Հայաստանի հավաքականը 1։0 հաշվով պարտվեց Իռլանդիայի հավաքականին
Ֆուտբոլի աշխարհի առաջնության եվրոպական գոտու ընտրական մրցաշարի F խմբի չորրորդ տուրում Հայաստանի հավաքականը Դուբլինում 1։0 հաշվով պարտվեց Իռլանդիայի հավաքականին։ Խաղի առաջին խաղակեսն ավարտվեց գոլազուրկ։
Երկրորդ խաղակեսում 52-րդ րոպեին Տիգրան Բարսեղյանը գլխով հարվածեց մրցակցին և ստացավ կարմիր քարտ։ Հայաստանի հավաքականը խաղը շարունակում էր 10 հոգով։ Իռլանդիայի հավաքականի հարձակվող Էվան Ֆերգյուսոնը 70-րդ րոպեին բացեց հաշիվը։
Հայաստանի հավաքականը նվազագույն հաշվով պարտություն կրեց մրցակցի դաշտում։
