Հայտնի է, թե որ հեղինակներն են արգելված ԱՄՆ դպրոցներում
Ամերիկացի սարսափ գրող Սթիվեն Քինգը գլխավորել է ԱՄՆ դպրոցներում արգելված հեղինակների ցանկը: Այս մասին, ինչպես գրում է Associated Press-ը, հայտնի է դարձել ոչ առևտրային PEN America կազմակերպության զեկույցից:
Կազմակերպության տվյալներով՝ 2024-2025 ուսումնական տարվա ընթացքում Միացյալ Նահանգներում գրանցվել է գրքերի ավելի քան 6800 հետկանչ։ Այս արգելքների 80 տոկոսը տեղի է ունեցել երեք նահանգներում՝ Թենեսիում, Տեխասում և Ֆլորիդայում։ Հաշվետվության մեջ նշվում է, որ Սթիվեն Քինգի ստեղծագործությունները, այդ թվում՝ «Դիմակայությունը» և «Քերին», գրաքննվել են 206 անգամ։
Էնթոնի Բերջեսի «Մեխանիկական նարինջը» ամերիկյան դպրոցներում ամենաարգելված գիրքն էր։ Գրքերի հետկանչի ամենատարածված պատճառները բռնության տեսարաններն ու ռասայական թեմաներն էին։
ԱՄՆ դպրոցներում սահմանափակումների բախված հեղինակների ցանկում են նաև Պատրիսիա Մակքորմիքի «Վաճառված է», Ջուդի Բլումի «Հավերժ» և Ջենիֆեր Նիվենի «Վերջին շնչում» ստեղծագործությունները։
