ԱՄՆ-ն ցանկանում է նվազեցնել Նյու Յորքում ահաբեկչության դեմ պայքարի ֆինանսավորումը. NYT
ԱՄՆ նախագահ Դոնալդ Թրամփի վարչակազմը մտադիր է Նյու Յորք նահանգում հակաահաբեկչական ծրագրերի ֆինանսավորումը կրճատել 86%-ով։ Այս մասին հաղորդում է New York Times-ը:
«Նահանգի իշխանությունները վերջերս բացահայտել են, որ Նյու Յորքը կկորցնի 100 միլիոն դոլար, քանի որ ներքին անվտանգության նախարարության կողմից իրականացվող ահաբեկչության դեմ պայքարի ծրագրերի ֆինանսավորումը կրճատվում է»,- գրում է թերթը:
Ինչպես ընդգծվում է հայտարարության մեջ, Նյու Յորքը, տասը այլ նահանգների և Կոլումբիայի շրջանի հետ միասին, դատական հայց է ներկայացրել բյուջետային կրճատումները կասեցնելու համար:
