Թրամփը նվաստացրել է արքայազն Հարրիին թագավորական ընտանիքի հետ ճաշկերույթի ժամանակ
ԱՄՆ նախագահ Դոնալդ Թրամփը թագավորական ընտանիքի հետ հանդիպման ժամանակ նվաստացրել է արքայազն Հարրիին: Այս մասին հաղորդում է Daily Mail-ը:
Սեպտեմբերի 17-ին Դոնալդ Թրամփը և նրա կինը՝ Մելանյան, մասնակցել են Վինձորի ամրոցում կազմակերպված պետական ճաշկերույթին, որը տեղի է ունեցել Միացյալ Թագավորություն կատարած նրանց այցի կապակցությամբ: Ընթրիքի ժամանակ քաղաքական գործիչը գովաբանել է Կարլ III-ին, նշելով, որ «վիրավոր վետերանների մասին ոչ ոք այնպես հոգ չի տանում, ինչպես թագավորը»՝ այդպիսով նսեմացնելով արքայազն Հարրիին, որը ռազմական հակամարտությունների ընթացքում հաշմանդամություն ձեռք բերած վետերանների համար սպորտային մրցույթ էր կազմակերպել։
Բացի այդ, ԱՄՆ նախագահն իր հիացմունքն է հայտնել միապետի ավագ որդու՝ արքայազն Ուիլյամի նկատմամբ։
«Ես պարզապես ցանկանում եմ ասել, որ Նորին Մեծությունը նաև հրաշալի որդի է մեծացրել՝ Ուելսի արքայազնին։ Սա իսկապես զարմանալի է։ Մենք ավելի լավ ճանաչեցինք Ձեզ, և կարծում եմ, որ ապագայում Դուք անհավանական հաջողությունների եք հասնելու»,- ասել է Թրամփը։
Քաղաքական գործիչը, սակայն, չի հիշատակել արքայազն Հարրիին։
