Իրանի անվտանգության ուժերը չեզոքացրել են Զահեդան քաղաքում դատարանի վրա հարձակված 3 անձանց
Իրանի անվտանգության ուժերը չեզոքացրել են հարավարևելյան Սիստան և Բելուջիստան նահանգի Զահեդան քաղաքի դատական վարչության դեմ հարձակում իրականացրած 3 անձանց։
Այս մասին հայտնում է իրանական Mehr գործակալությունը։
Նշվում է, որ տեղում աշխատում են նաև փրկարարները և շտապօգնությունը՝ դուրս բերելով տուժածներին դատարանի շենքից։
Ավելի վաղ Tasnim գործակալությունը հայտնել էր, որ տեղի ունեցած հարձակման հետևանքով մահացել է 5, վիրավորվել՝ 13 մարդ։
