Խոշոր ավտովթար` Երևանում. բախվել են BMW-ն, 2 ВАЗ 21 07 և ГАЗ 31 10-ը. կա վիրավոր
Այսօր՝ ապրիլի 22-ին, խոշոր ավտովթար է տեղի ունեցել Երևանում: Ժամը 00:05-ի սահմաններում Ճանապարհային ոստիկանության օպերատիվ կառավարման կենտրոն ահազանգ է ստացվել, որ Աճառյան փողոցում բախվել են BMW մակնիշի 80 ՕD 777, ВАЗ 21 07 մակնիշի 22 ՍՏ 227, մեկ այլ ВАЗ 21 07 մակնիշի 30 ՕՏ 106 համարանիշի և կայանված վիճակում գտնվող ГАЗ 31 10 մակնիշի 05 ԼՍ 774 համարանիշի ավտոմեքենաները: Այս մասին հաղորդում է shamshyan.com կայքը:
Ինչպես վթարի վայրից հայտնում է ֆոտոլրագրող Գագիկ Շամշյանը, քիչ առաջ 1-03 ծառայության բրիգադը 1 հոգու տեղափոխել է «Սուրբ Գրիգոր Լուսավորիչ» բժշկական կենտրոն:
ֆոտոլրագրողը հայտնում է, որ ВАЗ 21 07-ի հարվածից հետո BMW-ն բախվել է կանգառում տեղադրված թերթի կրպակին, այնուհետև՝ հարվածել և վնասել է մայթեզրին տեղադրված մրգեր վաճառողների տաղավարը:
Նշվում է, որ հարվածի հետևանքով թերթի կրպակը մոտ 5 մետր տեղաշարժվել է:
