Մեքսիկայում մարդիկ են զոհվել նարկոկարտելի և ոստիկանության միջև բախումների հետևանքով
Մեքսիկայի Սինալոա նահանգում բախումներ են տեղի ունեցել նարկոկարտելի և տեղի իրավապահ մարմինների միջև, ինչի հետևանքով զոհվել է 19 մարդ: Ինչպես հայտնում է «Արմենպրես»-ը, այդ մասին հոկտեմբերի 22-ին հայտնել է Մեքսիկայի ազգային պաշտպանության քարտուղարությունը (SEDENA):
Գերատեսչության տվյալներով՝ գործողության ընթացքում տեղի իրավապահ մարմինները ձերբակալել են մեքսիկական կարտելներից մեկի հետ կապված խմբավորման պարագլուխ Էդվին Անտոնիոյին։ Գործողության ընթացքում ոստիկանների վրա հարձակվել է նարկոկարտելի հետ կապված խմբավորման ավելի քան 30 անդամ։
«Միջոցառման ընթացքում արձանագրվել է վերոհիշյալ բջջի ավելի քան 30 անդամի կողմից հարձակում զինծառայողների վրա: Դրա արդյունքում հարձակվողներից 19-ը սպանվել են, մնացածը դիմել են փախուստի»,- ասվում է հայտարարության մեջ, որը հրապարակվել է գերատեսչության կայքում։
Հայտարարության մեջ նշվում է նաև, որ նարկոկարտելի բջջի պարագլխի ձերբակալության ժամանակ ոստիկանությունը բռնագրավել է չորս գնդացիր, մեկ Barrett M82 խոշոր տրամաչափի դիպուկահար հրացան և յոթ փոխադրամիջոց։Սինալոա մեքսիկական նահանգի կառավարությունը չեղարկել է երկրի անկախության առթիվ բոլոր տոնական միջոցառումները՝ կարտելների միջև փողոցային մարտերի։ Սինալոայում կարգուկանոն պահպանելու համար տեղակայվել են մեծաթիվ բանակային կոնտինգենտ և ազգային գվարդիայի ստորաբաժանումներ։
Մեքսիկայի պաշտպանության նախարար Լուիա Կրեսենսիո Սանդովալի խոսքով՝ նահանգի մայրաքաղաք Կուլիականում կարգուկանոնի պահպանմամբ զբաղվում է տարբեր զինված ուժերի 2,2 հազար ծառայող։ Մեքսիկայի Սինալոա նահանգում միմյանց միջև զինյալների և ուժային կառույցների հետ բախումների հետևանքով զոհվել է ավելի քան 30 մարդ, այդ թվում՝ երկու զինծառայող, ձերբակալվել է 30 մարդ։
