Սնկի հետ շոգեխաշած կաղամբ
Բաղադրիչները՝
- կաղամբ- 700 գ
- շամպինյոն- 300 գ
- գազար- 2 հատ
- սոխ- 2 գլուխ
- բուսական յուղ- 80 մլ
- կիտրոնի հյութ- 1 ճ/գ
- աղ, աղացած սև պղպեղ՝ ըստ ճաշակի
Պատրաստման եղանակը՝
Կաղամբը, շամպինյոններն ու մաքրած սոխը կտրատեք: Գազարը քերեք խոշոր քերիչով:
Խորը թավայի մեջ տաքացրեք յուղը, ավելացրեք գազարն ու սոխը, տապակեք մինչև ոսկեգույն երանգ ստանալը:
Ավելացրեք շամպինյոնն ու տապակեք այնքան, մինչև տապակելու ընթացքում առաջացած ջուրը գոլորշիանա:
Ապա ավելացրեք կաղամբն ու պարբերաբար խառնելով՝ 20 րոպե տապակեք:
Ավելացրեք կիտրոնի հյութը, աղը, աղացած սև պղպեղը, լավ խառնեք: 3 րոպեից հանեք կրակի վրայից, լցրեք ափսեներն ու մատուցեք:
