«Թուրքիայի և Ադրբեջանի հետ հաշտեցման բոլոր հայազգի «սիրահարներին» մեծ բարևներ են փոխանցում Բաքվից». Արման Աբովյան
Արման Աբովյանը ֆեյսբույան իր էջում գրել է․ «Ադրբեջանցի պատգամավոր Ռասիմ Մուսաբեկովը բացահայտ սպառնացել է, որ Ադրբեջանը պատրաստ է հարձակում կազմակերպել Հայաստանի Սյունիքի մարզի վրա։
Նա բառացի հայտարարել է, որ «Ադրբեջանի ազատագրման բանակը պատրաստ է ազատագրել Զանգեզուրը»:
Ուրիշ լավ՞ եք, խաղաղության դարաշրջանից ի՞նչ կա։
Մենք դեռ մեկ անգամ չէ, որ թուրք-ադրբեջանական տանդեմի ներկայացուցիչներից կլսենք հայտարարություններ ՝ վերջիններիս կողմից Հայաստանի տարածքները օկուպացնելու պատրաստակամության մասին։
Սա զարմանալի և միանգամայն սպասելի չէ, քանի որ հենց մեր երկրի տարածքում ռազմավարական կետերի օկուպացիան է հայ-թուրք-ադրբեջանական դիմակայության հիմնական պատճառը։
Հարցը դա չէ։
Իսկ այն, որ հայկական իշխանություններն իրենց «Ղարաբաղը հանձնենք և հանգիստ ապրենք» և «պետք է հաշտվեն Թուրքիայի հետ և այդ ժամանակ ամեն ինչ լավ կլինի» հայեցակարգով փաստացի նպաստեցին Հայաստանի և Արցախի համար ամենաբացասական սցենարին, այստեղ արդեն կասկած չկա։
Իսկ ինչ՞է անում այս «ոչ բռնի թավշյա» իշխանությունը։
Այստեղ էլ ՝ առանց փոփոխությունների, նորից կողքից մեղավորներ է փնտրում ու գործընթացների մեկնաբանների դերում է հանդես գալիս»։
