Մխիթարյանը Չեմպիոնների լիգայի կիսաեզրափակիչ «Միլան»-«Ինտեր» հանդիպման լավագույն ֆուտբոլիստն է
Հայաստանի ֆուտբոլի ազգային թիմի նախկին ֆուտբոլիստ Հենրիխ Մխիթարյանը Չեմպիոնների լիգայի կիսաեզրափակիչի «Միլան»-«Ինտեր» հանդիպման լավագույն ֆուտբոլիստն է:
Ֆուտբոլի Չեմպիոնների լիգայի կիսաեզրափակիչի շրջանակներում «Միլան»-ը սեփական հարկի տակ հյուրընկալեց «Ինտեր»-ին: Հանդիպման 11-րդ րոպեին Հայաստանի ֆուտբոլի ազգային թիմի նախկին ավագ Հենրիխ Մխիթարյանը ճիշտ ժամանակին, ճիշտ տեղում հայտնվելով, գրավեց «Միլան»-ի դարպասը: Մխիթարյանը դարձավ առաջին հայ ֆուտբոլիստը, ով գոլի հեղինակ դարձավ Չեմպիոնների լիգայի կիսաեզրափակիչ փուլում: Հենրիխ Մխիթարյանը փոխարինվեց երկրորդ կեսի 62-րդ րոպեին:
«Միլան»-«Ինտեր» խաղն ավարտվեց 0:2 հաշվով: «Ինտեր»-ի առաջին գոլը խփել էր Էդին Ջեկոն։
Հանդիպման ավարտին ՈՒԵՖԱ-ն խաղի լավագույն ֆուտբոլիստ ճանաչեց Հենրիխ Մխիթարյանին:
