Հանրապետության մի շարք ավտոճանապարհներին մերկասառույց է
Սիսիանի, Արթիկի, Արագածի, Սպիտակի, Սևանի, Վարդենիսի, Աշոցքի, Ապարանի, Գավառի տարածաշրջանների ավտոճանապարհներին, Լանջիկ-Մաստարա-Գյումրի ճանապարհահատվածում և Տիգրանաշենի ոլորաններում տեղ-տեղ մերկասառույց է։
Ինչպես տեղեկանում ենք «Ճանապարհային դեպարտամենտ»-ի տարածած հաղորդագրությունից, Վարդենյաց լեռնանցքը կցորդով տրանսպորտային միջոցների համար դժվարանցանելի է (անհրաժեշտ է կիրառել անվաշղթաներ)։
Միջպետական և հանրապետական նշանակության մյուս ավտոճանապարհները բաց են։
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:
