ԵՄ-ն ուղղաթիռներ է ուղարկել Բելգիա՝ անտառային հրդեհների դեմ պայքարելու համար
Եվրոպական միությունը երեք ուղղաթիռ և երկու հրշեջ օդանավ է ուղարկել Բելգիա՝ երկրի արևելքում մոլեգնող անտառային հրդեհի դեմ պայքարելու համար, Reuters-ի փոխանցմամբ՝ հայտնել է ԵՄ ճգնաժամային կառավարման հարցերով հանձնակատարը։
Բելգիայի ամենամեծ արգելոցում՝ High Fens-ում, հրդեհը բռնկվում է ուրբաթ օրվանից։
Այս շաբաթ եվրոպական մի շարք երկրներ, այդ թվում՝ Բելգիան, բախվել են ամռան հինգերորդ շոգի ալիքին, ինչ էլ նպաստում է անտառային հրդեհների առաջացմանն ու տարածմանը։
Բելգիա ուղարկված օդային միջոցները տրամադրել են Չեխիան, Շվեդիան և Նիդերլանդները, հայտնել է ԵՄ ճգնաժամային կառավարման հարցերով հանձնակատար Հաջա Լահբիբը X սոցիալական ցանցում հրապարակված գրառմամբ։
