Արարատ Միրզոյանը ցավակցել է Չավուշօղլուին
ՀՀ ԱԳ նախարար Արարատ Միրզոյանը ցավակցել է Թուրքիայի արտգործնախարար Մևլութ Չավուշօղլուին Թուրքիայի ածխահանքերից մեկում տեղի ունեցած պայթյունի կապակցությամբ, որի հետևանքով զոհերի թիվը հասել է 41-ի։
«Անկեղծ ցավակցություն եմ հայտնում Բարտինի ածխահանքում տեղի ունեցած պայթյունի հետևանքով զոհվածների հարազատներին և մերձավորներին։ Շուտափույթ ապաքինում եմ մաղթում տուժածներին»,- գրել է Միրզոյանը։
Թվիթերում Չավուշօղլուն Միրզոյանի ցավակցությանը պատասխանել է․ «Շնորհակալություն նախարարին անկեղծ ցավակցական ուղերձի համար»։
Միջադեպը տեղի է ունեցել հոկտեմբերի 14-ի երեկոյան Բարտին նահանգի ածխահանքում։ Պայթյունի վայրում գտնվել են 115 հանքափորներ, ովքեր հայտնվել են գետնի տակ 300 մետր խորության վրա, ոմանց հաջողվել է տարհանել։ Հանքավայրում արգելափակված է մնացել 49 մարդ:
Թուրքիայի նախագահի խոսքով՝ զոհերի թիվը հասել է 41-ի։
