Օբաման կողմնորոշվել է Ֆինանսների նախարարի հարցում
Ամերիկյան Bloomberg լրատվական գործակալության փոխանցմամբ՝ ԱՄՆ նախագահ Բարաք Օբաման հակված է նրան, որ ԱՄՆ ֆինանսների նախարարի պաշտոնը զբաղեցնի Սպիտակ տան ապարատի ղեկավար Ջեյկոբ Լյուն: Այս մասին հայտնում են ամերիկյան վարչակազմին մոտ կանգնած աղբյուրները:
Ակնկալվում է, որ այդ հարցում պաշտոնական հայտարարություն կարվի արդեն իսկ այս շաբաթ: Նշվում է, որ հանրաճանաչության ու բիզնեսի ղեկավարման առումներով Լյուն զիջում է իր մրցակիցներին, սակայն նա վայելում է նախագահի վստահությունը և բարձր է գնահատվում նրա կողմից իր արհեստավարժ որակնրի համար, ինչը և կարող է իր դերը խաղալ նրա հետագա ճակատագրի հարցում:
Ավելի վաղ ԱՄՆ ներկայիս ֆինանսների նախարար Թիմոթ Գայթները հայտարարել է, որ մտադիր է հրաժարական տալ հունվարի 20-ի կողմերը:
