Մուրճով և լինգով կոտրել էին խանութի պատուհանը, մտել ներս ու գողություն արել…
Հունիսի 30-ին Վաղաշեն գյուղի մի բնակիչ ոստիկանության Մարտունու բաժնում հաղորդում էր տվել, որ ժամը 1-ի սահմաններում իր խանութից գողություն են արել։ Հափշտակել էին մոտ 60 000 դրամ և 120 000 դրամի ապրանք, նաև փաստաթղթեր էին այրել։
Ոստիկանության Մարտունու բաժնի ծառայողների ձեռնարկած միջոցառումներով նույն օրը պարզվեց կասկածյալների ինքնությունը։ Վաղաշեն գյուղի 44 և 53 տարեկան երկու բնակիչներ, գողությունը կատարելու կասկածանքով, բերման ենթարկվեցին ոստիկանություն։
Պարզվեց, որ նրանք մուրճով և լինգով կոտրել էին խանութի պատուհանը, մտել ներս ու գողություն արել։
Գողոնի մի մասը հայտնաբերվել է։
Փաստի առթիվ հարուցվել է քրեական գործ։
Բերման ենթարկված անձինք ձերբակալվել են։
Քննությունը շարունակվում է։
