Ծանրամարտի հավաքականը ժամանեց Երևան
Հայաստանի ծանրամարտի տղամարդկանց հավաքականը վերադարձավ Եվրոպայի առաջնությունից:
«Զվարթնոց» օդանավակայանում մարզիկներին դիմավորելու էին եկել ծանրորդների հարազատները և մարզասերները: Մոսկվայից հավաքական թիմի հետ Երևան ժամանեցին ՀՀ ԿԳՄՍ նախարար Վահրամ Դումանյանը և նախարարի տեղակալ Կարեն Գիլոյանը: Վերջինս գոհ է մարզիկների ելույթներից: «Երկու երեք տարի անց այս հավաքականը կլինի աշխարհի ուժեղագույն թիմերից մեկը: Նրանք հիմա երիտասարդ են, փորձառություն հավաքելուց հետո մենք կպայքարենք միայն թիմային հաղթանակի համար»,-ասաց Գիլոյանը:
