«Պեպն այնպես է սովորեցնում, որ ես սկսեցի լսել մի փոքրիկ մարդու գլխումս»․ Սանե
«Բավարիայի» վինգեր Լերոյ Սանեն խոսել է «Մանչեսթեր Սիթիի» գլխավոր մարզիչ Պեպե Գվարդիոլայի մասին:
«Ես և Պեպը լավ հարաբերություններ ունեինք: Նա ինձ բոլորովին նոր մակարդակի բարձրացրեց: Հիմնականում ես աշխատում էի փոքր բաների վրա՝ ո՞ր ոտքով գնդակ կվերցնեմ, ի՞նչ իրավիճակում և ինչպե՞ս, ո՞րն է տարածությունը բացելու լավագույն միջոցը:
Այլ մարզիչներ նույնպես խոսում են այդ մասին, բայց նա իսկապես դա անում էր ամեն օր, մինչև որ ինչ-որ պահի ես սկսեցի լսել գլխումս մի փոքրիկ մարդու, ով ասում էր ինձ՝ ինչ անել, երբ և ինչպես:
Գվարդիոլան չի դադարում, երբ տեսնում է, որ դու ավելի լավն ես: Նա կգտնի մի նոր բան, որի վրա նա անխոնջ կաշխատի ձեզ հետ: Եթե ես չտեղափոխվեի «Մանչեսթեր Սիթի», հավանաբար չէի հասնի այս մակարդակին»,- ասել է Սանեն Der Spiegel-ին:
Սիրարփի Աղաբաբյան
