Ավստրալիայի հայ համայնքը թուրք-ադրբեջանական ագրեսիայի դատապարտման պահանջով փակել է Հարբոր կամուրջը
Ավստրալիայի հայ համայնքն Արցախի և Հայաստանի նկատմամբ Ադրբեջանի և Թուրքիայի ագրեսիայի դատապարտման պահանջով փակել է Սիդնեյի Հարբոր կամուրջը: Այս մասին հայտնել է Հայ դատի Ավստրալիայի հանձնախումբը:
Հայաստանի դրոշներով բազմաթիվ մեքենաների ակցիայի արդյունքում կաթվածահար է եղել Հարբոր կամրջի երթևեկությունը:
Ավստրալիայի հայ համայնքի անդամները պահանջել են դատապարտել թուրք-ադրբեջանական ագրեսիան և գործուն քայլեր ձեռնարկել այն դադարեցնելու ուղղությամբ:
Հոկտեմբերի 24-ին հայ համայնքը Սիդնեյում քայլերթ կիրականացնի` Ավստրալիայից պահանջելով դադարել լռել Ադրբեջանի ու Թուրքիայի կողմից Հայաստանի և Արցախի նկատմամբ սանձազերծած ագրեսիայի հարցում:
