«590 ախտորոշված դեպքը նշանակում է, որ մահանալու է 11 մարդ». Փաշինյան
Վարչապետ Նիկոլ Փաշինյանի կանխատեսմամբ՝ երեկվա տվյալներով ախտորոշված 593 նոր դեպքերը նշանակում են, որ 11 մարդ այդ օրվա վիճակագրության բերումով մահանալու է։
«Իհարկե, մեծ մասը բուժվելու է, բայց մեզանից յուրաքանչյուրը հակահամաճարակային կանոնը չպահելով, ամենայն հավանականությամբ, մահվան է դատապարտում ինչ-որ այլ քաղաքացու։ Սակայն որևէ մեկը չի երաշխավորում, որ հենց այդ քաղաքացին չի լինի, իր ընտանիքի անդամը կամ հարազատը չի լինի։ Մեր կանոնները պարզ են, դրանց էֆեկտիվությունն ապացուցված է՝ կրել դիմակ, պահպանել սոցիալական հեռավորություն և ախտահանել ձեռքերը»,- եզրափակեց վարչապետը։
