Արցախի Հադրութի շրջանում իրականացվում են կորոնավիրուսի տարածման կանխարգելման միջոցառումներ
Արցախի տեղեկատվական շտաբից հայտնում են, որ Հադրութի շրջանում շարունակվում են նոր կորոնավիրուսի տարածման կանխարգելման, իսկ հայտնաբերված օջախներում՝ հակահամաճարակային վերահսկողական միջոցառումները։
Հունիսի 19-ի դրությամբ շրջանում հաստատվել է նոր տիպի կորոնավիրուսային վարակի 24 դեպք։ Գրանցված բոլոր դեպքերը միևնույն
օջախից են։
Շրջանում գրանցված դեպքերը հաշվի առնելով և հետագա տարածումը կանխելու նպատակով՝ COVID-19 հաստատված համայնքներում ԱՀ Պարետի որոշմամբ մտցվել են ժամանակավոր սահմանափակումներ։ ԱՀ ԱԻՊԾ Հադրութի ՇԱԻ բաժնի և «Դիզակշին» ՓԲԸ կողմից այդ համայնքներում կատարվել է ախտահանում:
Ախտահանման աշխատանքներ են կատարվում նաև հաստատված օջախներում՝ Համաճարակաբանության և հիգիենայի Հադրութի շրջբաժնի աշխատողների կողմից։
Հունիսի 18-ին աշխատանքային հանդիպում է կազմակերպվել Տողի ենթաշրջանում՝ նշված ենթաշրջանի համայնքների ղեկավարների մասնակցությամբ՝ պահպանելով հակահամաճարակային կանոնները։
Հանդիպմանը քննարկվել են նոր կորոնավիրուսի կանխարգելման, բերքահավաքի և հակահրդեհային անվտանգության միջոցառումների ընթացքը, ինչպես նաև խմելու ջրի հետ կապված հարցեր։
Խիստ հսկողության տակ են շրջանում կազմակերպվող բոլոր միջոցառումները:
ՀԱԴՐՈՒԹԻ ՇՐՋԱՆՈՒՄ ՇԱՐՈՒՆԱԿՎՈՒՄ ԵՆ ՆՈՐ ԿՈՐՈՆԱՎԻՐՈՒՍԻ ՏԱՐԱԾՄԱՆ ԿԱՆԽԱՐԳԵԼՄԱՆ ՄԻՋՈՑԱՌՈՒՄՆԵՐԸԻնչպես ամբողջ Արցախի…
Gepostet von Արցախ / Տեղեկատվական շտաբ am Freitag, 19. Juni 2020
