Սողանք Դարպաս գյուղում
Ապրիլի 27-ին, ժամը 13:16-ին Ճգնաժամային կառավարման ազգային կենտրոն տեղեկություն է ստացվել, որ Լոռու մարզի Դարպաս գյուղի Հարավսլավական տնակներ տանող երկրորդային փողոցում տեղի է ունեցել սողանք։
Դեպքի վայր է մեկնել ԱԻՆ ՓԾ մարզային փրկարարական վարչության օպերատիվ խումբը:
Պարզվել է, որ Դարպաս գյուղի 1-ին փողոցի 4-րդ նրբանցքի վերջնամասում առատ տեղումների հետևանքով տեղի է ունեցել հողաշերտի փլուզում. վնասվել են ճանապարհի հենապատերը (մոտ 30 մ):
Փրկարարները սահմանազատել են տարածքը։
