Պակիստանում գնացքների բախում է տեղի ունեցել
Այսօր՝ սեպտեմբերի 17-ին Պակիստանում միմյանց են բախվել երկու ուղևորատար գնացքներ: Այս մասին տեղեկացնում է «ԻՏԱՌ-ՏԱՍՍ»-ը:
Ըստ տեղի լրատվամիջոցների՝ զոհվել է 1 մարդ, տասնյակ մարդիկ ստացել են տարբեր աստիճանի մարմնական վնասվածքներ: Երկու գնացքներն էլ տարբեր քաղաքներից՝ Լահոր ու Ֆեյսալաբադ, ուղևորվել են Կարաչի:
Առայժմ չճշտված պատճառներով, ենթադրաբար, ազդանշանային համակարգի խափանման պատճառով գնացքներից մեկը մխրճվել է մյուսի ետևի հատվածը: Մահացել է Լահորից ուղևորվող գնացքի մեքենավարը:
Տուժածներին տեղափոխել են Կարաչիի հիվանդանոցներ:
Երկաթուղային երթևեկությունն առայժմ դադարեցված է:
