Փաշինյանի անվտանգության աշխատակցի ինքնազգացողությունը վատացել է. նա հիվանդանոցում է
Փաշինյանի անվտանգության աշխատակիցն անցել է որոշակի հետազոտություններ և այժմ իրեն լավ է զգում։
ՀՀ վարչապետ Նիկոլ Փաշինյանի` Վրաստան կատարած այցի ժամանակ նրա անվտանգության աշխատակցի ինքնազգացողությունը վատացել է։ Ինչպես գրում է վրացական timer.ge–ն, նա ունեցել է կորոնավիրուսին հատուկ` բարձր ջերմաստիճան և այլ բնորոշ ախտանշաններ:
Հայաստան վերադառնալուց հետո նրան անհապաղ հոսպիտալացրել են Երևանի ինֆեկցիոն հիվանդանոց։
Ավելի ուշ ՀՀ առողջապահության նախարարության մամուլի խոսնակ Ալինա Նիկողոսյանը Facebook-ի իր էջում գրել է, որ վարչապետ Նիկոլ Փաշինյանի անվտանգության աշխատակցի մոտ կորոնավիրուսի կասկածներ չկան:
Վարչապետ Նիկոլ Փաշինյանի անվտանգության աշխատակցի մոտ կորոնավիրուսի կասկածներ չկան: Վերջինս վատառողջ է եղել, անցել է որոշակի հետազոտութուններ և այժմ իրեն լավ է զգում:
Gepostet von Alina Nikoghosyan am Mittwoch, 4. März 2020
