Ապօրինի հրազեն է հայտնաբերվել

Ոստիկանության Կոտայքի բաժնի Գառնիի բաժանմունքի ծառայողները, իրացնելով օպերատիվ տվյալները, փետրվարի 5-ին Գողթ գյուղի տներից մեկում հայտնաբերել են գործարանային համարով երկփողանի հրացան՝ առանց համապատասխան փաստաթղթերի։ 41-ամյա տանտիրոջ հայտնածով՝ հրացանն իրենն է։ Այն առգրավվել, փաթեթավորվել և ուղարկվել է դատաձգաբանական փորձաքննության։  Դեպքի առթիվ նյութեր են նախապատրաստվում։ Հանգամանքները պարզվում են։