ՀԱՕԿ նախագահը շնորհավորել է հայ շախմատիստներին՝ փայլուն հաղթանակի կապակցությամբ
Հայաստանի ազգային օլիմպիական կոմիտեի նախագահ Գագիկ Ծառուկյանը շնորհավորել է օլիմպիական չեմպիոնի կոչումը և ոսկե մեդալը նվաճած Հայաստանի շախմատի տղամարդկանց հավաքականին՝ փայլուն արդյունքի հասնելու համար:
«Հայաստանի ազգային օլիմպիական կոմիտեի և անձամբ իմ անունից սրտանց շնորհավորում եմ Հայաստանի շախմատի տղամարդկանց հավաքականի անդամներին` Ստամբուլում Շախմատի 40-րդ համաշխարհային օլիմպիադայում փայլուն հաղթանակի կապակցությամբ:
Այս մարզաձևում շարունակական հաղթանակներն արդեն բարի ավանդույթ են դարձել և յուրաքանչյուր անգամ հաղթանակի բերկրանք են պարգևում շախմատի սիրահարներին ու ամբողջ հայ ժողովրդին:
Թուրքիայի մայրաքաղաք Ստամբուլում ի շնորհիվ ձեզ բարձրացվեց Հայաստանի Հանրապետության պետական դրոշն ու հնչեց ազգային օրհներգը: Սա մեզ համար հավելյալ հպարտության առիթ էր:
Սա ավելին էր, քան մարզական հաղթանակը:
Դուք արժանի եք ամենաջերմ խոսքերին», -գրված է ուղերձում:
