Արայիկ Հարությունյանն արձագանքել է Նիկոլ Փաշինյանի կոչին
Արցախի նախկին վարչապետ, նախագահի թեկնածու Արայիկ Հարությունյանն արձագանքել է ՀՀ Վարչապետ Նիկոլ Փաշինյանի կոչին:
Հարությունյանը Ֆեյսբուքի իր էջում գրել է.
«Որպես Արցախի Հանրապետությունում առաջիկայում սպասվող համապետական ընտրություններին հայտ ներկայացրած նախագահի թեկնածու՝ բանակցային գործընթացի վերաբերյալ դիրքորոշում արտահայտելու Ձեր կոչին արձագանքում եմ ազատագրված Քաշաթաղի շրջանի Որոտան (նախկին Կուբաթլու) քաղաքից: Այս պահին տեղի կուսակցական ակտիվի հետ հանդիպման եմ:
Մեր քաղաքական թիմի, և համոզված եմ, նաև մեր ժողովրդի համար ընդունելի չէ ադրբեջանա-ղարաբաղյան հակամարտության կարգավորման վերաբերյալ Ձեր կողմից մամուլի ասուլիսի ընթացքում վկայակոչված նախկին իշխանությունների կողմից քննարկված տարբերակը։
Այս առթիվ հրապարակավ հանդես գալու բազմաթիվ առիթներ եմ ունեցել, թե՛ որպես ԱՀ վարչապետ, թե՛ որպես քաղաքական կուսակցության ղեկավար։ Ավելին՝ նախագահ ընտրվելու դեպքում ջանք ու եռանդ չենք խնայելու, որ Արցախի Սահմանադրությամբ ամրագրված բոլոր տարածքները դառնան ծաղկուն շրջաններ: Այս մասին այսօր խոսել եմ որոտանցիների հետ հանդիպման ժամանակ, և առիթն օգտագործելով, նույն ասելիքս ուղղում եմ համայն հայությանն ու ողջ աշխարհին»:
Մեծարգո պարո՛ն Վարչապետ Nikol Pashinyan / Նիկոլ ՓաշինյանՈրպես Արցախի Հանրապետությունում առաջիկայում սպասվող…
Gepostet von Արայիկ Հարությունյան / Arayik Harutyunyan am Samstag, 25. Januar 2020
