Կրթաթոշակ «Արփա-Սևան» ԲԲԸ-ի կողմից
ՀՀ տեխնիկական բուհերի կամ ամբիոնների ներքոնշյալ մասնագիտությունների մագիստրատուրայի ուսանողները կարող են դիմել ուսման վարձի փոխհատուցման և/կամ անվանական կրթաթոշակի համար հայտարարված մրցույթին: Առաջին փուլը հաղթահարած ուսանողները կհրավիրվեն հարցազրույցի, որից հետո կորոշվեն հաղթողները: Մրցույթի մասնակիցները պետք է լինեն մագիստրատուրայի ուսանողներ, այսինքն` 2012 թվականի սեպտեմբերից սկսեն իրենց ուսումը մագիստրատուրայի առաջին կամ երկրորդ կուրսում:
Հաղթողները կրթաթոշակ կստանան 2012-2013 ուսումնական տարվա համար: Մրցույթի հաղթողները ուսումն ավարտելուց հետո կհրավիրվեն աշխատանքի «Արփա-Սևան» ԲԲԸ-ի կողմից և կստանան միջինից բարձր աշխատավարձ: Աշխատանքային պայմանագիրը կնքվելու է առնվազն 5 տարով: Մրցույթին մասնակցելու են հրավիրվում հետևյալ մասնագիտություններով ուսումը շարունակող մագիստրատուրայի ուսանողները.
- Լեռնային գործ
- Հիդրոտեխնիկական շինարարություն
Մրցույթին մասնակցելու համար խնդրում ենք մինչև 2012թ. սեպտեմբերի 20-ը, [email protected] էլ. փոստի հասցեին ուղարկել.
- բակալավրիատի դիպլոմի և դիպլոմի միջուկի պատճենը,
- 2 երաշխավորագիր, որոնցից միայն մեկը պարտադիր պետք է գրված լինի դասախոսի կողմից, իսկ մյուսը` գործատուի, համակուրսեցու, ընկերոջ կամ այլ մտերիմների կողմից,
- ինքնակենսագրական (CV),
- կից նամակ, որտեղ պետք է ներկայացված լինեն դիմորդի երկարաժամկետ նպատակներն ու ծրագրերը և այս կրթաթոշակին դիմելու շարժառիթները,
- ոչ պարտադիր, սակայն ցանկալի է մասնագիտությանը համապատասխան որևէ նախագծի օրինակ (գծագիր, նախահաշվի տարբերակներ, և այլն)։
Մրցույթի արդյունքները կամփոփվեն մինչև ս.թ. հոկտեմբերի 15-ը, և առաջին փուլը հաղթահարած դիմորդները կհրավիրվեն հարցազրույցի: Հաղթողների անունները կհրապարակվեն նոյեմբերի 1-ին, և կրթաթոշակը կհատկացվի անմիջապես:
