«Զվարթնոցում» իրեն օդանավի տեղ դրած ավտոմեքենայում զենք-զինամթերք է հայտնաբերվել (տեսանյութ)
Ոստիկանության լրատվական ծառայությունից տեղեկացնում են, որ երեկ՝ օգոստոսի 4-ին, ժամը 10.55-ին, ոստիկանության «Զվարթնոց» օդանավակայանի գծային բաժնում հաղորդում է ստացվել օդանավակայանում ավտովթարի մասին:
Պարզվել է, որ «Զվարթնոց» օդանավակայանի 2-րդ հարկում գտնվող մեկնման սրահ տանող ճանապարհին «LEXUS GS 450 G» մակնիշի ավտոմեքենա է դուրս եկել երթևեկելի մասից և բախվելով աջ ճամփեզրի ճաղավանդակին` ընկել է 1-ին հարկի ճանապարհին:
Վարորդը մարմնական վնասվածքներով տեղափոխվել է հիվանդանոց:
Ավտոմեքենայի զննությամբ` սրահից հայտնաբերվել և առգրավվել է «Մակարով» տիպի ատրճանակ` պահունակով, լիցքավորված 8 փամփուշտով, իսկ բեռնախցիկից` «BENNELLI ARMI» տիպի հրացան` լիցքավորված 4 փամփուշտով:
Կատարվում է նախաքննություն:
