Մեկ օրում գրեթե 1400 փախստական է Սիրիա վերադարձել Լիբանանից ու Հորդանանից
Անցած 24 ժամվա ընթացքում գրեթե 1400 փախստական է Սիրիա վերադարձել Լիբանանի ու Հորդանանի տարածքից: Այդ մասին հաղորդվում է Հակամարտող կողմերի հաշտեցման եւ փախստականների տեղաշարժի նկատմամբ հսկողության ռուսական կենտրոնի տեղեկագրում։
«Անցած օրվա ընթացքում արտասահմանյան պետությունների տարածքից Սիրիա Արաբական Հանրապետություն է վերադարձել 1373 փախստական, այդ թվում՝ Լիբանանից՝ «Ջեյդեթ-Յաբուս», «Թել-Քալահ» անցակետերով՝ 430 մարդ (129 կին, 220 երեխա), Հորդանանից՝ «Նասիբ» անցակետով՝ 943 մարդ (283 կին, 481 երեխա)»,-ասված է հաղորդագրության մեջ: Ի հավելումն նշվում է, որ մշտական բնակության վայրեր են վերադարձել Սիրիայի 336 քաղաքացիներ, հաղորդել է ՌԻԱ Նովոստին:
