«Վարկ վերցնելը վատ բան չէ, վատն այդ գումարը լափելն է». Գևորգ Պապոյան
Ազգային ժողովի «Իմ քայլը« խմբակցության պատգամավոր Գևորգ Պապոյանի համոզմամբ՝ վարկեր վերցնելիս պետք է հարց հնչեցնել՝ դրանք լա՞վ բան են, պետքակա՞ն են, թե՞ ոչ։ Այս մասին այսօր խորհրդարանում 4 վարկային համաձայնագրերի վավերացման մասին հարցերի քննարկման ժամանակ ասաց իմքայլական պատգամավորը։
«Հիմնական խնդիրն այն է, թե այդ վարկերն ինչպես են օգտագործվում: Երկար տարիներ մենք, այո՛, պարտքեր ենք կուտակել, բայց այդ պարտքերը, վարկերը, ըստ էության, արդյունավետ են կիրառվել, որովհետև որոշ մարդիկ թալանել են, կերել են դրանք, և այդ գումարներն ի վերջո երկրից դուրս են գնացել և նոր տնտեսական արդյունք չեն առաջացրել։ Հիմա, երբ որ վարկերն օգտագործում ենք նպատակային, ապա այն կոնկրետ արդյունք է բերում»,- ասաց պատգամավորը:
Պապոյանի խոսքով՝ վարկերը վատ բան չեն, վատ բան են վարկերը վերցնելն և անարդյունավետ ծախսելը, թալանելը, ուտելը, լափելը, դրանք երկրից դուրս հանելը։
«Մենք չենք անում այդպես, ընդհակառակը՝ գործողություններ ենք ձեռնարկելու այդ գումարները հետ բերելու համար»,- ասաց նա։
Մանրամասները՝ տեսանյութում
