Ճիշտ կլինի, որ ԲՀԿ-ն ղեկավարի Ռոբերտ Քոչարյանը
Հայաստանի քաղաքագետների միության նախագահ Հմայակ Հովհաննիսյանն այսօրվա ասուլիսում հայտարարեց, թե 2013թ. նախագահական ընտրություններում նախագահի հիմնական ֆավորիտը գործող նախագահ Սերժ Սարգսյանն է: Միաժամանակ նա նշեց, որ
Սերժ Սարգսյանը պետք է բացատրի, թե ինչու չկարողացավ այս 5 տարիներին իրականացնել իր ծրագրային դրույթները:
«Մեծ հաշվով` Սերժ Սարգսյանին մրցակից կարող է լինել Ռոբերտ Քոչարյանը: Ամենաինտրինգային թեկնածուն Ռոբերտ Քոչարյանն է»,- ասաց Հմայակ Հովհաննիսյանը` հավելելով, թե չնայած ինքը շատ լավ է վերաբերվում Գագիկ Ծառուկյանին, բայց ճիշտ կլինի, որ Ռոբերտ Քոչարյանը ղեկավարի ԲՀԿ-ն: «Իմիջիայլոց, նա (Գագիկ Ծառուկյանը:- Ա.Ս.) ինձ հետ միշտ խորհրդակցել է»,- ասաց Հմայակ Հովհաննիսյանը:
