«Կա արդյոք ինչ-որ ջերմացում: Ես կարծում եմ, որ այո». Վլադիմիր Պուտին
Ուկրաինայի ճգնաժամի կարգավորման իրադրության հարցում ջերմացում է նկատվում: Այս կարծիքը Ռուսաստանի նախագահ Վլադիմիր Պուտինը հայտնել է Փարիզում «նորմանդական քառյակի» գագաթնաժողովի արդյունքներին նվիրված մամուլի ասուլիսում, հաղորդում է «Ինտերֆաքս»-ը:
«Կա արդյոք ինչ-որ ջերմացում: Ես կարծում եմ, որ այո»,- հայտարարել է Ռուսաստանի ղեկավարը: Նրա խոսքով՝ հակամարտության լուծման գործընթացը, ինչպես եւ Ուկրաինայի հետ հարաբերությունները, շարժվում են ճիշտ ուղղությամբ: Պուտինը նաեւ նշել է, որ Ռուսաստանն ամեն ինչ կանի, որպեսզի ուժերի ներածին չափ ավանդ ներդնի Դոնբասի իրադրության կարգավորման խնդրում:
Գերմանիայի կանցլեր Անգելա Մերկելն իր հերթին կարծում է, որ Փարիզում «նորմանդական ձեւաչափով» բանակցությունների ընթացքում հաջողվեց հաղթահարել լճացումը, որը դիտվում էր Ուկրաինայի հակամարտության կարգավորման հարցում:
