«Արձանների դեմ պայքարն ուղղակի անընդունելի է». Շավարշ Քոչարյան
Արձանների ու հուշատախտակների դեմ պայքարն ուղղակի անընդունելի է: Այս մասին ԱԺ-ում լրագրողների հետ զրույցում ասաց ՀՀ արտաքին գործերի փոխնախարար Շավարշ Քոչարյանը՝ անդրադառնալով Շահեն Հարությունյանի կողմից Գրիբոյեդովի արձանը ներկելու և ՌԴ Արմավիր քաղաքում Գարեգին Նժդեհին նվիրված հուշատախտակը հեռացնելուն:
Շավարշ Քոչարյանը չպատասխանեց սահմանային իրավիճակի վերաբերյալ հարցին՝ նշելով, որ շտապում է, քանի որ դասից ուշանում է:
Հիշեցնենք, որ երեկ երեկոյան Շահեն Հարությունյանը ֆեյսբուքյան իր էջում գրել էր, որ ներկ է լցրել Գրիբոյեդովի արձանի վրա՝ ի պատասխան ՌԴ Արմավիր քաղաքում Գարեգին Նժդեհի հուշատախտակը հանելուն:
