«Կարծում եմ, որ Ղրիմի գործում կարող էր օգնել ԱՄՆ-ը». Զելենսկի
Ուկրաինայի նախագահ Վլադիմիր Զելենսկին այն կարծիքին, է որ Միացյալ Նահանգները կարող է Կիեւին օգնել Ղրիմի շուրջ ստեղծված իրադրության հարցում: Այդ մասին նա հայտարարել է հարցազրույցում, որը դեկտեմբերի 2-ին հրապարակել է Gazeta Wyborcza լեհական հրատարակությունը։
«Կարծում եմ, որ Ղրիմի գործում կարող էր օգնել ԱՄՆ-ը: Կարող էր լինել բանակցությունների այս ձեւաչափը՝ Ուկրաինա, Ռուսաստան, ԱՄՆ»,-ասել է նախագահը: «Ես (դեկտեմբերի 9-ի) գագաթնաժողովում կհարցնեմ՝ մենք կարող ենք արդյոք Ղրիմի մասին խոսել այդ շրջանակում: Եթե ոչ, ապա ես կցանկանայի, որ մենք համաձայնեցնեինք մեկ այլ ձեւաչափ»,-հավելել էԷ Զելենսկին: «Դա մեր տարածքն Է, եւ ես կցանկանայի, որ այն մեզ վերադառնար»,-հայտարարել է նա, հաղորդել է ՏԱՍՍ-ը:
