«Բավարիա», «Արսենալ»․ ո՞ւր կգնա Պոչետինոն
«Տոտենհեմի» նախկին գլխավոր մարզիչ Մաուրիսիո Պոչետինոն կարող է գլխավորել «Բավարիան»:
Գերմանական ակումբը մինչև մրցաշրջանի ավարտը կարող է չհեռացնել Հանս-Դիտեր Ֆլիքին, իսկ հետո նշանակել 47-ամյա արգենտինացուն, հայտնում է Goal.com-ը՝ հղում անելով Bild-ին:
Սա Պոչետինոյին ժամանակ կտա ուսումնասիրելու գերմաներենը, ինչը «Բավարիան» կարևոր պայման է համարում մարզիչ աշխատելու համար:
Մյունխենի մարզական տնօրեն Հասան Սալիհամիդիշիչը գնահատում է Պոչետինոյի աշխատանքը: Ենթադրաբար, նրանք արդեն հանդիպել են:
Նշվում է նաև, որ Պոչետնինոն կարող է գլխավոր Լոնդոնի «Արսենալը»։ Լոնդոնյան ակումբը գոհ չէ Էմերիի աշխատանքից և փնտրում է մարզչի, որը լավ ծանոթ է Պրեմիեր լիգային և վարժ խոսում է անգլերեն։
Սիրարփի Աղաբաբյան
