Նեյմարը մեկ ամիս չի խաղա

ՊՍԺ-ի հարձակվող Նեյմարը բաց կթողնի մեկ ամիս վնասվածքի պատճառով, որը ֆուտբոլիստը ստացել է Բրազիլիայի և Նիգերիայի հավաքականների միջև ընկերական խաղում (1:1):

Ինչպես հաղորդում է ակումբի պաշտոնական կայքը, նա մագնիսառեզոնանսային շերտագրություն է անցել: Բուժզննության ընթացքում ֆուտբոլիստի մոտ հայտնաբերվել է ձախ ազդրի մկանի երկրորդ աստիճանի ձգում:

Սպասվում է, որ վնասվածքի պատճառով Նեյմարը բաց կթողնի մոտ չորս շաբաթ: Ութ օրվա ընթացքում բրազիլացին կրկին բժշկական հետազոտության կենթարկվի:

Լիգա 1-ի 2019/20 մրցաշրջանում Նեյմարը ՊՍԺ-ի կազմում անցկացրել է 5 հանդիպում և դարձել 4 գոլի հեղինակ: Հարձակվողը բաց էր թողել մրցաշրջանի մեկնարկը վնասվածքի պատճառով:

Պատրաստեց Անի Գաբուզյանը