Կառավարությունը 4 միլիարդ դրամ կհատկացնի Մետրոպոլիտենին
Երևանի մետրոպոլիտենը տրանսպորտային համակարգի բաղկացուցիչ մաս է, իսկ քաղաքացիների մեծ ակտիվության հետևանքով վագոններում խցանումներ են լինում, ուստի նախատեսում ենք ունենալ երկու նոր միջանկյալ վագոններ: Սրանից բացի՝ Կառավարության հետ բանակցություններ են տարվում, կտրամադրվի 4 միլիարդ դրամ՝ Մետրոպոլիտենի կապիտալ շինարարության համար։
Այս մասին այսօր ավագանու նիստի ընթացքում ասաց Երևանի քաղաքապետի տեղակալ Հրաչյա Սարգսյանը։
Վերջինս նաև նշեց, որ այս պահին Երևանի քաղաքապետարանը գույքագրում է քաղաքի 800 կանգառները՝ չսպասելով ֆինանսական միջոցների հատկացմանը։
«Մենք աշխատում ենք, չենք սպասում»,- ասաց Սարգսյանը։
Հիշեցնենք, որ քաղաքապետ Հայկ Մարությանը նշեց, որ քաղաքապետարանը բանակցում է այն բանկի հետ, որը ստանձնելու է նոր տրանսպորտային ցանցի ֆինանսավորումը։
