Մյասնիկյան-Բագարան ավտոճանապարհին «ԶԻԼ» մակնիշի բեռնատարը գլխիվայր շրջվել է
Հունիսի 6-ին, ժամը 13:04-ին «911» ծառայությանը տեղեկություն է հաղորդվել, որ Արմավիրի մարզի Մյասնիկյան-Բագարան ավտոճանապարհի 34-րդ կմ-ի մոտակայքում «ԶԻԼ» մակնիշի բեռնատարը դուրս է եկել ճանապարհի երթևեկելի հատվածից և գլխիվայր շրջվել:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները հոսանքազրկել են «ԶԻԼ» մակնիշի բեռնատարը և փակել գազի բալոնի փականը. տուժածներ չկան:
