«Բարսելոնան» ցանկանում է գնել ֆուտբոլիստների, ովքեր մրցակցություն կստեղծեն Սուարեսի, Պիկեի, Բուսկետսի և Ալբայի համար
«Բարսելոնան» ցանկանում է ամառային տրանսֆերային պատուհանի ընթացքում ուժեղացնել կազմն այնպիսի ֆուտբոլիստներով, որոնք կարող են պայքարել մեկնարկային կազմում տեղ գտնելու համար:
Ինչպես հաղորդում է Diario Sport-ը, ակումբը փնտրում է նորեկների, ովքեր կարող են մրցակցություն ստեղծել Լուիս Սուարեսի, Ժերար Պիկեի, Սերխիո Բուսկետսի և Ժորդի Ալբայի համար:
Մասնավորապես, մեկնարկային կազմում հայտնվելու համար Բուսկետսի հետ պայքարելու է Ֆրենկի դե Յոնգը, պաշտպանության համար «Բարսելոնան» ցանկանում է գնել Խունիոր Ֆիրպոյին «Բետիսից» և Մաթեյս դե Լիգին «Այաքսից»:
Ինչ վերաբերում է Սուարեսին, ապա նրա հետ մրցակցելու համար ակումբը ցանկանում է գնել Անտուան Գրիզմանին «Ատլետիկոյից», կամ Ռոդրիգո Մորենոյին «Վալենսիայից»:
Պատրաստեց Անի Գաբուզյանը
