«Տեղ են ազատում, որպեսզի մոնոպոլիստ գա. Անուն չեմ տա, այդ անձը պաշտոնյա է, միլիարդատեր». Արեն Մելիքյան
Այսօր կառավարության շենքի մոտ բողոքի ակցիա են իրականացնում շարժական սրճարանների սեփականատերերը՝ հանդիպում պահանջելով վարչապետ Նիկոլ Փաշինյանի հետ:
Ակցիայի մասնակից Արեն Մելիքյանը տեղեկացրեց, որ ապրիլի 19-ից Երևանի քաղաքապետարանի առևտրի վարչության հրահանգով իրենց շրջիկ սրճարանները հոսանքազրկել են և թույլ չեն տալիս աշխատել, 47 տնտեսվարող սնանկացել է, 120 մարդ գործազուրկ է դարձել:
«Տեղ են ազատում, որպեսզի մոնոպոլիստ գա: Անուն չեմ տա, բայց տեղեկություն ունենք, որ արդեն գործարանային պատրաստված մեքենաներ կան, խոշոր խաղացողների հետ է կապված այս ամենը: Այդ անձը պաշտոնյա է, միլիարդատեր»,- ասաց Մելիքյանը:
Տիգրան Զարինյանը շեշտեց, որ այս հարցը պետք է անմիջապես լուծում ստանա, ոլորտում հիմանկանում երիտասարդներ են աշխատում. «Սեզոնային է, երբ բոլորը պետք է աշխատեին ու իրենց ներդրումներից ինչ-որ մի օգուտ քաղեին, խոչընդոտում են»:
