Չիլիում գամմա-աստղադիտակների խոշորագույն համալիր է ստեղծվում
Չիլիի կառավարությունը եւ Եվրոպայի հարավային աստղադիտարանը (ESO) ստորագրել են համաձայնագիր, որը թույլ կտա գործարկել գամմա-ճառագայթման սպեկտրում տիեզերքի ուսումնասիրման Cherenkov Telescope Array Sur խոշոր միջազգային ծրագիրը Paranal աստղադիտարանի տարածքում՝ երկրի նահանգներից մեկում:
Այդ մասին հայտնել է Չիլիի արտաքին գործերի նախարարությունը: Խոսքը վերաբերում է տարբեր տրամագծի 99 գամմա-աստղադիտակներին, որոնք կգործարկվեն 2025 թվականին:
Իսպանիայում գտնվող 19 ապարատների հետ մեկտեղ դրանք կստեղծեն խոշորագույն վերերկրյա աստղադիտարանը: Գիտնականները կհետազոտեն տիեզերական ճառագայթների առաջացումը, դրանց բնույթը եւ բազմազանությունը, կուսումնասիրեն սեւ անցքերի մատերիան, հաղորդել է ՌԻԱ Նովոստին:
