Սաուդյան Արաբիայի իշխանությունները սաուդացի լրագրողի սպանությունը խոստովանել են ճնշման ներքո
Թուրքիայի արտաքին գործերի նախարար Մևլութ Չավուշօղլուն հայտնել է, որ Սաուդյան Արաբիայի իշխանությունները Ստամբուլում իրենց գլխավոր հյուպատոսության շենքում սաուդացի լրագրող Ջամալ Խաշոկջիի սպանության փաստը խոստովանել են ճնշումների ներքո: Այս մասին հայտնում է թուրքական «Անադոլու» լրատվական գործակալությունը:
«Թուրքիայի նախագահ Ռեջեփ Թայիփ Էրդողանի և Սաուդյան առաջնորդի խոսակցությունից հետո Սաուդյան Արաբիան ավելի հաղորդակից դարձավ և կարևոր է, որ նրանք թեկուզ ուշ և ճնշման ներքո, բայց խոստովանեցին սպանությունը: Բոլոր հետաքննություններին մասնակցում են սաուդացի ներկայացուցիչներ»,-ասել է Չավուշօղլուն:
