Եգիպտոսի հավաքականի գլխավոր մարզիչն ուշագնաց է եղել իր երկու կանանց սկանդալային կռվի ժամանկ
Եգիպտոսի ազգային հավաքականի գլխավոր մարզիչ Հոսամ Հասանը հայտնվել է ընտանեկան լուրջ սկանդալի կենտրոնում։ Ըստ տեղական լրատվամիջոցների՝ 59-ամյա մասնագետը կորցրել է գիտակցությունը երկու կանանց միջև ծագած թեժ կոնֆլիկտից հետո, որոնք երկուսն էլ իրենց համարում են նրա օրինական կինը։
Վեճը վերածվել է այնպիսի բախման, որ անհրաժեշտություն է առաջացել դեպքի վայր կանչել ոստիկանություն։ Իրավապահները միջամտել են իրավիճակին և բերման ենթարկել կոնֆլիկտի երկու մասնակիցներին։ Ինքը՝ Հասանը, ականատես լինելով կատարվածին, չի դիմացել հոգեբանական ճնշմանն ու սթրեսից ուշագնաց է եղել։
Նախնական տեղեկություններով՝ միջադեպից անմիջապես հետո մարզչին ցուցաբերվել է համապատասխան բուժօգնություն, և այժմ նրա առողջական վիճակը գնահատվում է կայուն։ Այս իրադարձությունը մեծ հնչեղություն է ստացել Եգիպտոսում, քանի որ Հասանը ղեկավարում է աֆրիկյան ֆուտբոլի ամենաճանաչված հավաքականներից մեկը։
Միջադեպի ֆոնին մամուլի հատուկ ուշադրությանն է արժանացել մարզչի անձնական կյանքը։ Հասանը Հուդա Էլ Գորբավիի հետ ամուսնացել է դեռևս 1994 թվականին, և զույգն ունի չորս երեխա։ Թեև տարիների ընթացքում նրանց հարաբերությունները բարդ փուլեր ու ժամանակավոր բաժանումներ են ապրել, մասնագետը բազմիցս ընդգծել է, որ հենց Հուդան է մնում իր օրինական կինը։
Ավելի ուշ Հասանի կյանքում հայտնվել է Դանա Ադամը։ Նրանց միությունը ևս բազմիցս դարձել է եգիպտական մամուլի քննարկման առարկա՝ կապված տարբեր իրավական վեճերի հետ։
Ներկայումս իրավապահ մարմինները շարունակում են հետաքննել աղմկահարույց կոնֆլիկտի բոլոր հանգամանքները։
ArmSport
