Չինաստանը ԱՄՆ-ին և Իրանին կոչ է արել վերականգնել անվտանգ նավագնացությունը Հորմուզի նեղուցում. The Guardian
Չինաստանը ԱՄՆ-ին և Իրանին կոչ է արել վերականգնել անվտանգ նավագնացությունը Հորմուզի նեղուցում, այս մասին հայտնում է The Guardian-ը։
«Նեղուցով նորմալ և անվտանգ անցման հնարավորինս արագ վերականգնումը միջազգային հանրության ընդհանուր ձգտումն է», — հայտարարել է ԱԳՆ ներկայացուցիչ Լին Ցզյանը՝ հավելելով, որ Պեկինը «անխոնջ ջանքեր կգործադրի» ճգնաժամի ապաէսկալացմանը նպաստելու համար։
Վերլուծաբանները պնդում են, որ Չինաստանը, որը երկար ժամանակ ռազմավարական էներգակիրների պաշարներ էր կուտակում, դարձել է ԱՄՆ-ի և Իսրայելի՝ Իրանի դեմ մղած պատերազմի գլխավոր շահառուներից մեկը։ Չինաստանի դիվանագիտական ազդեցությունը նույնպես աճել է, քանի որ Պեկինը իրեն դիրքավորում է որպես խաղաղության կողմնակից։
