Ուկրաինայի ռազմածովային ուժերը Alkmaar տեսակի հակաականային նավ է ստացել Նիդեռլանդներից
Ուկրաինայի ռազմածովային ուժերը Նիդեռլանդներից ևս մեկ հակաականային նավ է ստացել։ Այս մասին հայտարարել է Ուկրաինայի ռազմածովային ուժերի հրամանատար Ալեքսեյ Նեյժպապան։
«Ծովային կարողությունների կոալիցիայի շրջանակներում նիդեռլանդցի գործընկերներն Ուկրաինայի ռազմածովային ուժերին մատակարարել են Alkmaar դասի ականորս», – գրել է նա Facebook-ում։
Նեյժպապայի խոսքով՝ այս մատակարարումից հետո Ուկրաինայի ռազմածովային ուժերի կազմում արդեն հինգ հակաականային նավ կա։
«Ավելի վաղ Մեծ Բրիտանիան Ուկրաինային տվել էր Sandown դասի «Չերկասի» և «Չերնիգով» նավերը, իսկ Բելգիան և Նիդեռլանդները՝ Alkmaar դասի «Մելիտոպոլ» և «Մարիուպոլ» նավերը», – հավելել է նա։
Նիդեռլանդները նաև մասնակցում է ուկրաինացի զինվորականների ուսուցմանը։ 2022 թվականից ի վեր Նիդեռլանդների աջակցությամբ պատրաստում է անցել Ուկրաինայի զինված ուժերի շուրջ 60 000 զինծառայող։
2022 թ. փետրվարին Ռուսաստանի կողմից Ուկրաինայում ռազմական գործողությունների ծավալումից ի վեր ԵՄ-ն և նրա անդամ պետությունները Կիևին տրամադրել են գրեթե 200 միլիարդ եվրոյի օգնություն: Այս գումարը ներառում է ֆինանսական, ռազմական և հումանիտար աջակցությունը, ինչպես նաև ուկրաինացի փախստականներին ընդունելու ծախսերը:
2026 թ. ապրիլին ԵՄ երկրները նաև համաձայնել են Կիևին 90 միլիարդ եվրոյի լրացուցիչ տրանշ տրամադրել 2026-2027 թթ. համար:
