Տարոն Չախոյանի գրանցած կայքում ներկայացվող «հանրային կարծիքի» մի մասի աղբյուրները գոյություն չունեցող օգտահաշիվներ են․ CivilNet
MediaNews.site-ում «հանրային կարծիք» ներկայացվող գրառումների մի մասի աղբյուրները կասկածելի կամ գոյություն չունեցող օգտահաշիվներ են․ գրում է CivilNet.am-ը։
«CivilNetCheck-ի ուսումնասիրությունը ցույց է տալիս, որ որոշ դեպքերում այդ օգտահաշիվների ինքնությունը չի հաստատվում, իսկ օգտագործվող լուսանկարները արհեստականորեն գեներացված են։ Հետաքննությունը պարզել է նաև, որ կայքը 2018-ին գրանցել է Տարոն Չախոյանը, որն այժմ զբաղեցնում է վարչապետի աշխատակազմի ղեկավարի տեղակալի պաշտոնը»,- նշել է կայքը։
Հավելենք, որ այս կայքն է առաջինը հրապարակել սրբազանների գործի վերաբերյալ ձայնագրությունները։ Արշակ սրբազանին վերագրվող ինտիմ բնույթի տեսանյութերը ևս Medianews-ն է հրապարակել։
