Ֆրանսիան Ռյուտեին և ֆոն դեր Լեյենին չի հրավիրել Հորմուզի վերաբերյալ գագաթնաժողովին
Ֆրանսիան հրաժարվել է ՆԱՏՕ-ի գլխավոր քարտուղար Մարկ Ռյուտեին և Եվրահանձնաժողովի նախագահ Ուրսուլա ֆոն դեր Լեյենին հրավիրել Հորմուզի նեղուցի վերաբերյալ գագաթնաժողովին: Այս մասին հաղորդում է Financial Times-ը՝ հղում անելով երեք պաշտոնյաների։
Ավելի վաղ Մեծ Բրիտանիայի վարչապետ Քիր Սթարմերը հայտարարել էր, որ Մեծ Բրիտանիան և Ֆրանսիան այս շաբաթ կանցկացնեն միջազգային գագաթնաժողով՝ ԱՄՆ-ի կողմից Հորմուզի նեղուցի շրջափակման ֆոնին նավարկության ազատությանը նվիրված:
«Ֆրանսիան մերժել է Մեծ Բրիտանիայի առաջարկը, որ Մարկ Ռյուտեն… և ֆոն դեր Լեյենը… պետք է մասնակցեն Փարիզում կայանալիք հանդիպմանը»,- գրում է հրատարակությունը։
Թերթի տվյալներով՝ Ելիսեյան պալատը երկու անգամ հանել է Ռյուտեի և ֆոն դեր Լեյենի անունները Մեծ Բրիտանիայի առաջարկած հրավիրյալների ցուցակից, քանի որ Փարիզը ցանկանում է, որ մասնակիցները լինեն երկրների ղեկավարներ։
Բացի այդ, աղբյուրները թերթին հայտնել են, որ ԱՄՆ նախագահ Դոնալդ Թրամփը չի մասնակցի հանդիպմանը, ինչպես նաև այլ ամերիկացի պաշտոնյաներ։
