Ճապոնիայի ԱԳ նախարարը հեգնանքով նկարագրել է Ֆրանսիայում G7-ի ԱԳ նախարարների հանդիպման պայմանները
Ճապոնիայի արտաքին գործերի նախարար Տոշիմիցու Մոտեգին հեգնանքով է նկարագրել Ֆրանսիայում կայացած G7-ի արտաքին գործերի նախարարների հանդիպման պայմանները՝ նշելով, որ մասնակիցները ստիպված էին բանակցել սառը սենյակում։
«Նույնիսկ Գերմանիայի արտաքին գործերի նախարարը, որը նստած էր իմ կողքին, ասաց, որ ցուրտ է, ուստի պայմանները բավականին դաժան էին»,- ասել է նա՝ ելույթ ունենալով խորհրդարանի վերին պալատում։
Նախարարի խոսքով՝ հանդիպումը տեղի է ունեցել Ֆրանսիայի արտաքին գործերի նախարար Ժան-Նոել Բարոյի հայրենի քաղաքի վանքերից մեկում:
