Ֆինլանդիայի վարչապետը հեգնանքով է արձագանքել Թրամփի սպառնալիքներին
ԱՄՆ նախագահ Դոնալդ Թրամփը սովոր է ագրեսիվ հռետորաբանության, սակայն զորքերը Եվրոպայից դուրս բերելու վերաբերյալ նրա սպառնալիքները ՆԱՏՕ-ի դեմ ուշադրության արժանի չեն: Այս մասին ասել է Ֆինլանդիայի վարչապետ Պետերի Օրպոն՝ մեկնաբանելով ՆԱՏՕ-ի գլխավոր քարտուղար Մարկ Ռյուտեի Վաշինգտոն այցը: Նրա խոսքերը մեջբերել է ֆիննական Iltalehti թերթը։
«Վերջին մեկ տարվա ընթացքում մենք նման բան բազմիցս տեսել ենք. Թրամփի ելույթներն իսկապես կոշտ են, ինչպես նաև նրա սպառնալիքները»,- հեգնանքով նշել է քաղաքական գործիչը։
Ըստ նրա՝ ԱՄՆ-ն վաղուց սպառնացել է վերանայել իր դիրքորոշումը Եվրոպայի պաշտպանության հարցում, ուստի Թրամփի հայտարարություններում ոչ մի արտառոց բան չկա:
