Ինչ փոփոխություններ են լինելու մանկավարժների համար «Ուժեղ Հայաստանում»
«Ուժեղ Հայաստան» կուսակցության խորհրդի անդամ Նարեկ Կարապետյանը ներկայացրել է, թե ինչ դրական փոփոխություններ են լինելու մանկավարժների համար «Ուժեղ Հայաստանում».
«Առաջինը՝ մանկավարժների համար ատեստացիայի համակարգի փոփոխություն է լինելու։ Նախարարությունը կունենա վերապատրաստման թիմ, որը բոլոր ուսուցիչների համար անվճար վերապատրաստում կանցկացնի և կպատրաստի նրանց ատեստացիային։ Այսօր քննություններին պատրաստելը վճարովի է։
Նաև կհրապարակվի գրականությունը՝ ինչի շրջանակներում են լինելու ատեստացիայի հարցերը։ Նախարարությունը պետք է հետաքրքրված լինի, որ ինչքան հնարավոր է՝ շատ ուսուցիչ անցնի ատեստացիան և ստանան բարձր աշխատավարձ, որին նրանք արժանի են։
Պարգևավճարների համակարգ է սահմանվելու այն ուսուցիչների համար, որոնց աշակերտները կհաղթեն օլիմիպադաներում կամ կգրանցեն այլ հատկանշական հաջողություններ։
Ուժեղ Հայաստանը սկսվում է ուժեղ կրթությունից, ուժեղ ընտանիքից, և մենք ամենալավն ենք հասկանում, թե ինչ կարևորություն ունի մանկավարժական կոլեկտիվի ճիշտ աշխատանքը երիտասարդ սերնդի զարգացման համար»։
